Ulqin (República dal Montenegro), 27/28-08-2008 - Jornatas de la cultura albanés
Dins l’àmbit de las manifestacions faitas dal comun de Ulqin (Dulcigno), país albanés de la República dal Montenegro, dins l’àmbit dal tradicional festival de la cultura albanés, assai docents universitaris, ricercators, artistas, exponents polítics e administratius de las comunitats albanés en Calàbria, Basilicata e Molise ilh an partecipat, dal 27 al 29 agost a las “Doas jornatas de la cultura albanés dal Montenegro”.
Las jornatas ilh son staas articolaas ab dei convènhs sus l’activitat de recèrca faita de l’Universitat de la Calàbria, ab relators lhi docents, Franco Altimari, Anton Berisha, Francesco Iusi, sal patrimoni lingüístic, literari e librari albanés, de l’Universitat Statala de Milano, la lh’es staa lo prof. Nicola Scaldaferri, qu’al a parllat de la etnomusicologia albanés. L’es staa presentaa una mòstra sus lhi òrs, organizat dal museu etnografic albanés de Vaccarizzo Albanese (CS), decò una mòstra sus lhi Balcans ab la stampa italiana dins lhi prims dal Nòucent curat dal prof. Renato Fasanella Masci, e organizat dal Comun de Pallagorio (KR). Autres moments bèll l’es stat: una performance musicala dal cantautor calabro-albanés Alfio Moccia; un recital de 'vjershe' de l’antica tradicion albanés lucana dal stès grop de Santa Costantino Albanese e la presentacion dal telejornal dins las doas lengas Arbëria-TV-Occitan, promòs de l’Assessorat a las Minoranças Lingüísticas de la Província de Cosença e presentat dal jornalista Nicola Bavasso.Aiquistas iniciativas, una part faita dins al Palace de la Cultura e una part dins l’anfiteatro de l’antica forteça veneciana de Ulqin ilh an aiut una granda partecipacion populara e ilh an aiut assai èco dins lhi mass-media de la pechita República d’oltreadriatico. La delegacion albanés, aont la lh’es decò lhi Síndics e lhi administrators de las comunitats albanés de Pallagorio (KR), Plataci (CS) e Vaccarizzo Albanese (CS) ilh es stat ospit dins las jornatas dei convènhs dins al Montenegro dal Síndic dal Comun de Ulqin, ja ministre de la República dal Montenegro e las Minoranças Lingüísticas. Lo pròxime encontre de aiquest important contacte cultural, fait gràcias a la Seccion de Albanologia de l’Universitat de la Calàbria tra lhi albanés de l’Italia e dal Montenegro, l’es la vísita en Calàbria de una delegacion de administrators locals, docens e operators culturals de la comunitat albanés montenegrina, capejat dal Ministre montenegrino a las minoranças lingüísticas, Fuad Nimani, e dal Síndic de Ulqin, Gezim Hajdinaga.
 programa
|
