Le Lengue de le Olimpiade a la fèra internacionala dal libre de Turin

L’Occitan e ‘o franco-provençal, le lengue maire de le Vall Olímpique ilh vèngon valorizzae a la fèra dins ‘o stand de la Província de Turin. “Lengue Maire” l’es unhuna de le argomentacion de aiquesta edicion de la Fèra dal libre. L’Assessor a la cultura de la Província de Turin Valter Giuliano al a volut dona visibilitat a aiquest argument dins al stand de la Província present a la Fèra, ab un pròpri spaci dedicat a la publicacion dins le lengue occitana ò franco-provençala publicae de lhi comun, comunitat montana, e associacion dal territòri ab un video qu’al fai veire ‘o valor de le doe lengue maire. Ancara, ‘o luns 9 de mai, dopuei minjat, dins la transmission RADIO3 – FAHRENHEIT ab ‘o conductor Maurizio Sinibaldi, la lh’es una dirècta sal valor de la lenga occitana e sus la soa valorizacion dins l’àmbit olímpic. L’Assessor a la cultura de la província de Turin Valter Giuliano a parlla de l’importança de la presença de le lengue minoritàrie dins al grand event olímpic, ‘o regista Enrico Lantelme a pòrta la soa experiéncia de realizator de la transmission Occitània, 8 puntate que ilh son anae en onda sus RAI3 e ilh an aiut grand interès dins tota l’ Itàlia, ‘o jornalista Fredo Valla al a parllat dal senhificat europèu de l’appèll Occitan Lenga Olímpica e de la publicacion “Viatge dins las Valadas Occitanas en Piemont, lecture e itinerari”(Region Piemont, fait de la Chambra d’òc, manual e cd rom), ‘o prim libre divulgatiu qu’al presenta le 12 vall occitane e lhi 120 comun de lenga d’òc de la Region Piemont.