SPORTELLO PROVINCIALE PER LE MINORANZE LINGUISTICHE STORICHE ---  SPORTELI GJUHËSOR I PROVINÇËS PËR PAKICAT LINGUISTIKE HISTORIKE --- SPORTÈLL LINGÜÌSTIC PROVINCIAL PER LE MINORANCE LINGÜÌSTIQUE STÒRIQUE

10/09/2005 – Presentacion de l’edicion crítica de l’òpera La vita de la Beata Vèrgin Maria de G. Variboba

‘O Sande 10 de Setembre, a le ore 17:30, a San Giorgio Albanés al Centre Cultural Polifuncional Arbëresh, la se presenta l’edicion crítica de l’òpera “La vita de la Beata Vèrgin Maria - Maria Gjella e Shën Mëris s’Virgjër” de G. Variboba que l’es en absolut la prima òpera albanés en Calàbria. ‘O volum fait dal Prof. Vincenzo Belmonte, ja docent de Literatura Albanés a l’Universitat de Messina e de Bari e actualment colaborator scientific a la càtedra de Albanologia a l’Universitat Calabrés, al fai part de la colana ‘Classic de la Literatura Arbëreshe’ de la casa d’edicion Rubbettino dirècta da Francesco Altimari, que ensèms a l’autra colana ‘Albanica’ da pòc inauguraa ab trei tèxte de literatura orala arbëreshe, ilh testimònia ‘o grand interès de la casa d’edicion de Soveria Mannelli per la valorizacion de la tradicion literaria e culturala italo-albanés.
Ab l’autor e ‘o director de la colana, la lh’es decò ‘o síndic de San Giorgio Albanés, Mario Giorgio Scura, ‘o prèire de San Giorgio, papas Vittorio Scirchio, l’Assessor a la Cultura, Giorgio Esposito, ‘o Víscove de Lungro, monsenhor Ercole Lupinacci, l’Assessor a le Minorance Lingüístique, Donatella Laudadio, ‘o director editorial de la Rubbettino, Giacinto Marra.
Après la lh’es le comunicacion de Matteo Mandalà (Universitat de Palermo) Giovanni Belluscio (Universitat de la Calàbria), Gjovalin Shkurtaj (Universitat de Tirana), Rexhep Ismajli (Universitat de Prishtina), Francesco Iusi (Universitat de la Calàbria). ‘O prof. Iusi l’es decò la persona qu’ilh a curat l’edicion digitala de l’òpera, allegaa a l’edicion de carta, aont la lh’es ‘o spuelh electronic dal tèxte, ab ‘o lemari e l’original (1762), que ara al se tròva pas, de l’òpera de Variboba.